Səbail Rayon İcra Hakimiyyətinin başçısı rayon ərazisində davam edən abadlıq işlərinə baxış keçirib

Dostuna göndər xəbərdən agah olsun:

“Yaşıl dünya naminə həmrəylik ili” çərçivəsində Səbail Rayon İcra Hakimiyyəti tərəfindən təsdiq olunmuş Tədbirlər planına uyğun olaraq Səbail rayonunda aparılan abadlıq işləri sürətlə davam etdirilir.

Görülən işlər çərçivəsində Səbail Rayon İcra Hakimiyyətinin başçısı Vuqar Zeynalov RİHBA-nın məsul işçiləri, ərazi icra nümayəndələri və bələdiyyə sədrləri ilə birgə 20-ci sahə yaşayış massivi, Salyan yolu ünvanında aparılan abadlıq işlərinə baxış keçirmişdir.

Baxış zamanı Rayon İcra Hakimiyyətinin başçısı Vuqar Zeynalov aparılan abadlıq işləri çərçivəsində həyata keçirilən tədbirlərin icra vəziyyəti ilə tanış olmuş, sakinləri narahat edən müxtəlif məsələlərlə əlaqədar problemləri yerindəcə dinləmiş, eyni zamanda sözügedən ünvanda fəaliyyət göstərən ictimai iaşə obyektlərinin sahibləri ilə maarifləndirici söhbətlər aparılmış, görülən abadlıq işlərinin sürətləndirilməsi üçün aidiyyəti qurum rəhbərlərinə müvafiq tapşırıqlar vermişdir.