Azərbaycan hərbi texnikalarının üzərinə yazılan hərflərin mənası nədir?
Son günlərdə sosial şəbəkələrdə müzakirə olunan məsələlərdən biri də Azərbaycan Silahlı Qüvvələrinə məxsus hərbi texnikanın üzərinə hərflərin yazılmasıdır. Bunu əks etdirən görüntülərin sosial şəbəkələrdə yayılmasından sonra müxtəlif fikirlər ortaya atılır.
Bəziləri bu hərflərin xüsusi məna daşıdığı fikrini irəli sürürlər.
“Qafqazinfo”nun məlumatına görə, hərbi texnikanın üzərinə hərflərin yazılması əvvəlki illərdə də müşahidə edilib. Amma bu, hər hansı bir ideoloji məna daşımır.
Məsələn, əvvəlki illərdə hərbi texnikalarımızın üzərinə ortasından xətt çəkilmiş “B”, “Z”, “N” kimi hərflər yazılıb. Bu, qrupların, bölmələrin adlarının baş hərfləridir.
Bunun yazılmasında məqsəd isə hərbi qulluqçuların təhlükəsizliyini təmin etmək və əməliyyatların havadan, qurudan idarəedilməsini asanlaşdırmaqdır. Yəni bir növ fərqləndirmə nişanlarıdır və bu nişanlar hərbi texnikaların yanlarına və üstünə vurulur.
(051) 5062008 (Whatsapp)
