İranın ali dini lideri İsraili ivrit dilində hədələdi

Dostuna göndər xəbərdən agah olsun:

İranın ali dini lideri Əli Xamenei “X” sosial şəbəkəsində ivrit dilində yazı dərc edib və burada İranın Suriyadakı konsulluğuna hücumdan sonra İsraili hədələyib.

“Allahın köməyi ilə biz sionistləri İranın Dəməşq konsulluğuna qarşı törətdikləri cinayətə görə tövbə etməyə məcbur edəcəyik”, – mesajda deyilir.

Qeyd edək ki, ABŞ İran konsulluğuna hücumdan sonra öz qüvvələrinə mümkün hücumlardan narahatlığını bildirib. Çərşənbə axşamı Xamenei deyib ki, İran konsulluğa hücuma görə İsraili peşman edəcək.

Bazar ertəsi axşam Suriya Müdafiə Nazirliyi İsrailin İranın Dəməşqdəki Baş Konsulluğunun binasına hava zərbəsi endirdiyini bildirib. Konsulluq binasında İranın Suriyadakı səfirinin iqamətgahı da olub və o, xəsarət almayıb. Raket hücumu nəticəsində konsulluğun binası tamamilə dağılıb. İslam İnqilabı Keşikçiləri Korpusunun (SEPAH) isə bir neçə generalı və zabiti ölüb.

Mənbə: Gazeta.ru

Dostuna göndər xəbərdən agah olsun:

Şahid olduğunuz hadisələrin video və ya fotosunu çəkərək bizə göndərin:
(051) 5062008 (Whatsapp)