Şabranda avtomobil aşıb, ölən və xəsarət alanlar var

Şabran rayonunda avtomobilin aşması nəticəsində ölən və xəsarət alanlar var.

Rayonun Gəndob kəndi ərazisində “Hyundai – Santa Fe” markalı minik avtomobili hərəkətdə olarkən sürücü idarəetməni itirib və maşın yoldan çıxaraq aşıb.

Qəza nəticəsində Bakı şəhər sakini – 1997-ci il təvəllüdlü Kazımova Xədicə Elçin qızı hadisə yerində ölüb.

Bakı şəhər sakini, 2023-cü il təvəllüdlü Nuray Kazımova, Xaçmaz şəhər sakinləri – 1976-ci il təvəllüdlü Kazımova Zümrüd Hüseyn qızı və 1994-cü il təvəllüdlü Kazımov Vüqar Eldar oğlu ağır bədən xəsarətləri alıblar. Onlar Şabran Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45