Bakıda maşın piyadanı vuraraq öldürüb

Dostuna göndər xəbərdən agah olsun:

Paytaxtın Sabunçu rayonunda piyadanın ölümü ilə nəticələnən yol qəzası baş verib.

Agah.az Baku TV-ə istinadən xəbər verir ki, hadisə metronun “Koroğlu” stansiyasının qarşısında qeydə alınıb.

Şəxsiyyəti hələlik məlum olmayan təxminən, 50-55 yaşlı kişi piyadalar üçün nəzərdə tutulmayan yerdən yolu keçmək istəyib. Bu zaman onu taksi fəaliyyəti ilə məşğul olan Əlizadə Həsrət Asif oğlunun idarə etdiyi “Mercedes” markalı avtomobil vurub.

Yaralı aldığı xəsarətlərdən hadisə yerindəcə keçinib.

Meyitin üzərindən şəxsiyyətini təsdiq edən sənəd aşkarlanmadığından kimliyini müəyyən etmək mümkün olmayıb.

Meyit müayinə olunması üçün Məhkəmə Tibbi Ekspertiza və Patoloji Anatomiya Birliyinin Sabunçu Rayon şöbəsinə təhvil verilib.

Hadisənin təfərrüatı araşdırılır.