Sabirabadda yol qəzası olub, xəsarət alanlar var

Sabirabadın Qaragüney kəndi ərazisində yol-nəqliyyat hadisəsi baş verib, 5 nəfər xəsarət alıb.

Agah.az -ın Aran bürosunun məlumatına görə, hadisə axşam saatlarında qeydə alınıb. Belə ki, hərəkətdə olan “Mercedes” markalı avtomobillə digər avtomobil toqquşub.

Qəza nəticəsində rayonun Qaragüney kəndinin sakinləri, 1963-cü il təvəllüdlü Aslanov Vahid Heybət oğlu, 1995-ci il təvəllüdlü Aslanova Xanımzər Cavanşir qızı, onun azyaşlı qızı, 2020-ci il təvəllüdlü Aslanova Zəkiyyə Rahil qızı, 1966-cı il təvəllüdlü Cəfərov Cavanşir Məmmədağa oğlu və 1975-ci il təvəllüdlü Qasımov Həşimxan Lətif oğlu müxtəlif dərəcəli bədən xəsarətləri alıblar.

Xəsarət alanlar Şirvan Şəhər Mərkəzi Xəstəxanasına çatdırılıb.

Faktla bağlı araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(051) 5062008 (Whatsapp)