“Akıncı” dəniz hədəflərini uğurla məhv etdi

Dostuna göndər xəbərdən agah olsun:

Türkiyənin pilotsuz hava hücumundan müdafiə vasitələri arasında əhəmiyyətli yerə sahib olan “Bayraktar Akıncı” hücum pilotsuz uçuş aparatı dənizdə hərəkət edən və sabit hədəflərə qarşı atış sınaqlarını uğurla başa vurub.

Bununla bağlı görüntüləri “Baykar” İdarə Heyətinin sədri Selçuk Bayraktar sosial şəbəkə hesabından paylaşıb.

O bildirib ki, test zamanı PUA milli elektron-optik sistem və yerli mini “ağıllı” sursatlardan istifadə edib.

Xatırladaq ki, “Akıncı” bundan əvvəl “Roketsan” şirkətinin istehsalı olan “İHA-122” səsdən sürətli raketinin, həmçinin “Çakır” qanadlı raketinin atış sınağını müvəffəqiyyətlə başa vurub.