Bakıda 22 yaşlı xanım tanışını qətlə yetirməkdə şübhəli bilinən şəxs barədə cinayət işi açılıb
Bakının Xətai rayonunda 22 yaşlı xanım tanışını qətlə yetirməkdə təqsirləndirilən şəxs barədə cinayət işi açılıb
Bu barədə Xətai rayon prokurorluğu məlumat yayıb.
Məlumata əsasən, aprelin 20-də saat 6 radələrində Xətai rayonu ərazisində 2002-ci il təvəllüdlü Elnarə Cabbarovanın öldürülməsi barədə rayon prokurorluğuna məlumat daxil olub.
Araşdırma zamanı 2003-cü il təvəllüdlü Səbuhi Qürbətovun Xətai rayonu, Xudu Məmmədov küçəsi ərazisində tanışı Elnarə Cabbarovaya bıçaqla xəsarət yetirərək qəsdən öldürməsi, daha sonra isə özünə xəsarət yetirməsinə əsaslı şübhələr müəyyən edilib.
Səbuhi Qürbətov saxlanılaraq polis müşayiəti altında xəstəxanada ona tibbi yardım göstərilir.
Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanaraq ibtidai istintaq aparılır.
(051) 5062008 (Whatsapp)
