Sumqayıtda iki avtomobil toqquşub: Xəsarət alanlar var

Bakı-Quba yolunun Sumqayıtdan keçən ərazisində yol-nəqliyyat hadisəsi baş verib.

“Report”un yerli bürosunun xəbərinə görə, hadisə zamanı Sumqayıt şəhər sakini, 1977-ci il təvəllüdlü Fikrət Xanoğlan oğlu Bayramovun idarə etdiyi VAZ-2107 markalı avtomobillə Abşeron rayon sakini, 1976-cı il təvəllüdlü Əli Rza oğlu Məmmədovun idarə etdiyi KIA markalı avtomobil toqquşub.

Nəticədə VAZ-2107-nin sürücüsü və sərnişini Sumqayıt şəhər sakini, 1983-cü il təvəllüdlü Namiq Əvəzxan oğlu Əhmədəliyev xəsarət alıb.

Faktla bağlı araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45