Şəmkirdə qanunsuz olaraq qarışıq suxurların daşınması faktı aşkarlanıb

Şəmkir rayonunun Təzəkənd kəndi ərazisində “KamAZ” markalı yük avtomobili ilə qanunsuz olaraq yerin təkindən istifadə etməklə qarışıq süxurların daşınması aşkarlanıb.

Bu barədə DİN-in Mətbuat Xidmətinin Gəncə regional qrupundan bildirilib.

Qeyd olunub ki, fakt Baş İctimai Təhlükəsizlik İdarəsinin əməkdaşları tərəfindən təbiəti mühafizə və yerin təkindən istifadə qaydalarının pozulması hallarının qarşısının alınması istiqamətində keçirilən tədbirlər nəticəsində üzə çıxıb.

Faktla bağlı Şəmkir Rayon Polis Şöbəsində araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45