Lənkəranda qanunsuz ağac emalı ilə məşğul olan sex aşkarlanıb

Lənkəranda qanunsuz ağac emalı ilə məşğul olan sex aşkarlanıb.

Bu barədə Daxili İşlər Nazirliyindən məlumat verilib.

DİN-in Baş İctimai Təhlükəsizlik İdarəsinin və Ekologiya və Təbii Sərvətlər Nazirliyinin (ETSN) Regional İdarəsinin əməkdaşlarının keçirdiyi birgə tədbirlərlə obyektə baxış zamanı fıstıq və qızılağac növlü ağacların ekoloji təhlükəsizlik haqqında qanunvericiliyin tələblərinin pozularaq emal edildiyi müəyyən edilib.

Sexin sahibi Lənkəran şəhər sakini 1961-ci il təvəllüdlü R.Nəzərov barəsində İnzibati Xətalar Məcəlləsinin müvafiq maddəsi ilə protokol tərtib olunub və həmin şəxs qanunvericiliyə uyğun olaraq inzibati məsuliyyətə cəlb olunub.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45