Bakının “Taxta bazarı”ndakı yanğına görə zərərçəkənlərə sığorta ödənişi veriləcək?
Bu gün Bakının Dərnəgül qəsəbəsində yerləşən və “Taxta bazarı” kimi tanınan inşaat materialları bazarında yanmış əmlaklar sığortalı olmayıb.
Bu barədə “Report”un sorğusuna cavab olaraq “Azərbaycan Sığortaçılar Assosiasiyası” İctimai Birliyindən bildirilib.
“Yanğın baş verən ərazi açıq məkan olduğu üçün burada “Daşınmaz əmlakın icbari sığortası” deyil, “Əmlakların yanğından və digər risklərdən sığortası” aktualdır. Bu sığorta növünün isə könüllü olduğunu nəzərə alsaq, bazardakı malların və materialların sığortalı olmaması sahibkarların sığortaya biganə yanaşması və yaxud sığortalanmaq üçün lazımi tələblərə riayət etməməsindən qaynaqlana bilər”, – deyə açıqlamada qeyd olunub.
Şahid olduğunuz hadisələrin video və ya fotosunu çəkərək bizə göndərin:
(055) 436-46-45
(055) 436-46-45
