Xəzər dənizində qanunsuz balıq ovu ilə məşğul olan şəxs saxlanıldı
Agah.az xəbər verir ki, Xəzər dənizində qanunsuz balıq ovu ilə məşğul olmaqda şübhəli bilinən şəxs müəyyən edilib.
Daxili İşlər Nazirliyindən verilən məlumata görə, Su Nəqliyyatında Polis İdarəsinin əməkdaşları tərəfindən aparılan nəzarət-profilaktik tədbirlər zamanı Xaçmaz rayonunun Müqtədir qəsəbəsində qanunsuz balıq ovu ilə məşğul olan Elnur Xəlilov saxlanılıb. Onun üzərində 32 ədəd balıq, ov qurğuları və qayıq aşkarlanıb.
Məlumatda qeyd olunub ki, xüsusi mühafizə olunan ərazilərdə, o cümlədən Xəzər dənizində strateji obyektlərin yaxınlığında ov edilməsi qəti qadağandır və bu qaydaları pozan şəxslərə qarşı ciddi tədbirlər görüləcək.
Faktla bağlı araşdırmalar davam etdirilir.
Açar sözlər: Xəzər dənizi, qanunsuz balıq ovu, Elnur Xəlilov, Su Nəqliyyatında Polis İdarəsi, Xaçmaz rayonu, profilaktik tədbirlər.
