Ölkə ərazisində hava şəraiti kəskin dəyişib, qar yağır

Agah.az xəbər verir ki, hazırda Bakıda və Abşeron yarımadasında, eləcə də Qobustan, Altıağac, Quba, Qusar, Xaltan və Şabranda qar yağır.

Milli Hidrometeorologiya Xidmətinin saat 18:00-a olan məlumatına əsasən, ölkə ərazisində küləkli hava şəraiti müşahidə olunur. Sarı xəbərdarlığa uyğun olaraq qərb küləyinin sürəti Laçında 19 m/s, Zəngilanda 18 m/s, Kəlbəcərdə 17 m/s, Şirvanda isə 15 m/s-yə çatıb.

Hazırda Bakıda və Abşeron yarımadasında 1, Aran rayonlarında 7, Naxçıvanda 5 dərəcəyədək isti, dağlıq rayonlarda isə 12 dərəcəyədək şaxta qeydə alınıb.