Fevralın 25-də Pensiyaların Tam Ödənilməsi Nəzərdə Tutulur
Agah.az xəbər verir ki, Əmək və Əhalinin Sosial Müdafiəsi Nazirliyinin tabeliyində olan Dövlət Sosial Müdafiə Fondu fevralın 25-də ölkə üzrə pensiyaların tam ödənilməsini planlaşdırır.
Fondun məlumatına görə, həmin gün güzəştli şərtlərlə pensiya hüququna malik şəxslərin də pensiyaları ödəniləcək. Yanvarın 1-dək təyin edilmiş bütün növ pensiyalar 8,1 faiz indeksləşdirilərək artırılıb. Bundan əlavə, fevralın 1-dən minimum pensiya məbləği 280 manatdan 320 manata yüksəldilib. Fevral ayının pensiyaları da bu artımlarla birlikdə ödəniləcək və yanvar ayına aid indeksləşdirilmə artımı da fevral pensiyasına əlavə ediləcək.
