Azərbaycanda terrorçu qrupun üzvləri zərərsizləşdirildi
Agah.az xəbər verir ki, beynəlxalq terror təşkilatları ilə əlaqəsi olan radikal dini-ekstremist qrupun üzvlərinin zərərsizləşdirilməsi məqsədilə Dövlət Təhlükəsizliyi Xidməti və Daxili İşlər Nazirliyi tərəfindən kompleks əməliyyat tədbirləri həyata keçirilib.
Aparılan əməliyyatlar zamanı əvvəllər “Meşə qardaşları” adlı terror qruplaşmasının üzvü olmuş Qədir Hacıyev və Qusar rayonunun müxtəlif sakinlərinin cinayət əlaqələri müəyyən edilib. Onların meşə massivlərində yeraltı sığınacaqlar yaradaraq terror aktları hazırladıqları aşkarlanıb.
Əlipaşa Kamilovun Qusar şəhərində gizləndiyi yer müəyyən edildikdə o, xüsusi təyinatlı qüvvələrə silahlı müqavimət göstərib və nəticədə zərərsizləşdirilib.
Cibir kəndi yaxınlığında meşəlik ərazidə aşkar edilən digər silahlı şəxslər də silahlı müqavimət göstərərkən məhv ediliblər. Sığınacaqlardan partlayıcı qurğular, silahlar, texniki avadanlıqlar və beynəlxalq terror simvolları olan materiallar götürülüb.
Həmçinin Hil kəndində yerləşən fermada və digər gizli yerlərdə terrorçuların mövqeləri aşkar edilərək zərərsizləşdirilib. Aparılan araşdırmalara görə, qrup üzvləri kustar üsulla partlayıcı maddələr hazırlayaraq terror əməllərinə cəhd göstəriblər.
Qədir Hacıyev, Etibar Əhmədov, Şərafəddin Mahmudov və digər şəxslər müxtəlif cinayət maddələri ilə təqsirləndirilərək məhkəmə qərarı ilə həbs edilib.
Hazırda cinayət işi üzrə istintaq davam etdirilir.
Açar sözlər: Azərbaycanda terror qruplaşması, Qusar terror əməliyyatı, Dövlət Təhlükəsizlik Xidməti, silahlı müqavimət, terrorçuların zərərsizləşdirilməsi, partlayıcı qurğular, cinayət işi, terrorçu qrup üzvləri, Qusar rayonu, “Meşə qardaşları”, zərərsizləşdirmə əməliyyatı
