Bakıda qoşa xətt pozuntusu edən “Gelandewagen” sürücüsü saxlanıldı
Agah.az xəbər verir ki, Bakının Neftçilər prospektində yol hərəkəti qaydalarını kobud şəkildə pozan və bu anları sosial şəbəkədə paylaşan “Mercedes-Benz Gelandewagen” avtomobilinin sürücüsü saxlanılıb.
Bakı Şəhər Dövlət Yol Polisi İdarəsinin bölmə rəisi Toğrul Nəsirlinin verdiyi məlumata görə, 90-TH-222 dövlət qeydiyyat nişanlı nəqliyyat vasitəsinin sürücüsünün avtomobili idarəetmə hüququ altı ay müddətinə məhdudlaşdırılıb.
Sürücüyə İnzibati Xətalar Məcəlləsinin 327.4-cü (əks istiqamətli hərəkət zolağına çıxaraq nəqliyyat axınına qarşı hərəkət etmə) və 327.7-ci (il ərzində 20 və daha artıq bal toplanmaqla sürücülük hüququnun məhdudlaşdırılması) maddələri əsasında protokol tərtib olunub. Nəqliyyat vasitəsi cərimə meydançasına yerləşdirilib.
Qeyd edək ki, sürücünün “Neftçilər” prospektində qoşa xəttin tələbini pozaraq etdiyi qayda pozuntusunu sosial mediada paylaşdığı məlum olmuşdu.
Açar sözlər: Gelandewagen, Neftçilər prospekti, yol qaydası pozuntusu, sürücü saxlanıldı, Bakı.
(055) 436-46-45
