Ucarda rabitə kabellərini oğurlayan qohumlar saxlanıldı
Agah.az məlumat verir ki, Ucar rayonunda rabitə dirəklərindən kommunikasiya kabelləri oğurlayan şəxslər saxlanılıb. Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, Ucar Rayon Polis Şöbəsinin əməkdaşlarının keçirdiyi əməliyyat nəticəsində Vüsal Fərzəliyev, Nicat Cəfərov və Sənan Cəfərov adlı rayon sakinləri tutulub.
Araşdırmalar zamanı müəyyən edilib ki, onlar noyabr və dekabr aylarında Ucar şəhəri və üç kənd ərazisində rabitə dirəklərindən ümumi uzunluğu 2400 metrdən çox olan TPP tipli kabelləri kəsərək oğurlayıb, tərkibindəki əlvan metalları metal qəbulu məntəqələrinə satıb və əldə etdikləri 10 000 manata yaxın məbləği öz aralarında bölüşüblər.
Faktla bağlı Ucar Rayon Polis Şöbəsinin İstintaq Bölməsində cinayət işi başlanıb və saxlanılan şəxslərin digər oxşar cinayətlərdə iştirakının olub-olmaması araşdırılır.
Açar sözlər: Ucar, kabel oğurluğu, rabitə dirəkləri, Vüsal Fərzəliyev, Nicat Cəfərov, Sənan Cəfərov, polis əməliyyatı, cinayət işi.
(055) 436-46-45
