Bakıda narkokuryerliklə məşğul olan şəxslərə qarşı əməliyyat keçirilib
Agah.az xəbər verir ki, Bakının Xətai rayonunda narkotiklərin qanunsuz dövriyyəsinə qarşı keçirilən silsilə əməliyyatlar nəticəsində bir neçə şəxs saxlanılıb. Bu barədə Daxili İşlər Nazirliyindən məlumat verilib.
Xətai Rayon Polis İdarəsinin Narkotiklərlə Mübarizə Bölməsinin keçirdiyi əməliyyat zamanı İlkin Dadaşov, Natiq Yusifov, Ruslan İsmayılov, Vüqar Əliyev, Qaryağdı Ruşanov və Elşən Muradov saxlanılıb. Onlardan ümumilikdə 23 kiloqram heroin, psixotrop maddələrlə zənginləşdirilmiş marixuana və metamfetamin aşkar edilərək götürülüb.
Həmin şəxslərin narkotik vasitələri ayrı-ayrı ünvanlara yerləşdirərək paytaxtda satışını təşkil etməyi planlaşdırdığı müəyyən olunub.
Əlavə əməliyyatlar nəticəsində Bakı şəhərində narkotiklərin qanunsuz dövriyyəsini həyata keçirən daha 7 nəfər saxlanılıb və istintaqa təqdim edilib.
Faktlarla bağlı cinayət işləri başlanılıb, araşdırmalar davam edir.
Açar sözlər: Bakıda narkotik əməliyyatı, Xətai rayonu narkokuryerlik, narkotiklərin qanunsuz dövriyyəsi, DİN məlumatı, narkotiklə mübarizə.
(055) 436-46-45
