Gələn ildən bu xidmətlərə görə 50% ƏDV geri qaytarılacaq
Agah.az xəbər verir ki, yeni ildən etibarən mədəniyyət sektorunda bir sıra vergi güzəştləri və yeniliklər tətbiq olunacaq. Milli Məclisin deputatı, iqtisadçı Vüqar Bayramov sosial media hesabında bununla bağlı məlumat verib.
Vergi Məcəlləsinə təklif edilən dəyişikliklərə əsasən, mədəniyyət sektoru ilə bağlı xidmətlərə ƏDV-nin 50%-i geri qaytarılacaq. Gələn ildən teatr tamaşaları, film nümayişləri, muzey ziyarətləri və simfonik orkestrin konsertlərinə görə nağdsız ödənilən ƏDV-nin yarısı (“ƏDV cashback”) vətəndaşlara geri veriləcək.
Həmçinin, mədəniyyət sektorunda 5 il müddətinə torpaq vergisindən tam, mənfəət vergisindən isə 90 faiz azadolma veriləcək. Bu addımlar, sektora əlavə sərmayələrin cəlb olunmasını və qiymətlərin aşağı düşməsini stimullaşdırmaq məqsədi güdür. Bayramov qeyd edib ki, mövcud qanunvericiliyə görə, vergi güzəştlərindən faydalanan subyektlərin sayı 1-dən 5-ə qaldırılacaq. Yeni siyahıya teatrlar, muzeylər, simfonik orkestr və film prodüserləri daxil ediləcək.
Açar sözlər: mədəniyyət sektoru, vergi güzəştləri, ƏDV cashback, teatr, film nümayişi, muzey, simfonik orkestr, vergi dəyişiklikləri.
(055) 436-46-45
