Sabunçu rayonunda ağac tinglərinin çıxarılması ilə bağlı açıqlama
Agah.az xəbər verir ki, sosial şəbəkələrdə Kürdəxanı-Pirşağı yolunun kənarında yeni əkilmiş ağac tinglərinin çıxarılması ilə bağlı yayılan görüntülər ictimai marağa səbəb olub.
Məsələ ilə bağlı Sabunçu Rayon İcra Hakimiyyəti açıqlama verərək, ağacların çıxarılmasının obyektiv səbəblərdən qaynaqlandığını bildirib. Məlumata görə, həmin ərazidə layihələndirilən Bilgəh-Novxanı-Sumqayıt avtomobil yolunun Kürdəxanı-Pirşağı qəsəbələri arasında salınacaq yol qovşağı üçün tikinti işləri aparılacaq. Buna görə də ağac tingləri çıxarılaraq Sabunçu qəsəbəsinin Şəhər şossesi küçəsindəki sahəyə köçürülüb.
Həmçinin qeyd olunub ki, Sabunçu rayonunda yaşıllaşdırma tədbirləri davam etdirilir və cari ildə əraziyə 25 minə yaxın müxtəlif növ ağac tingi əkilib.
Açar sözlər: Sabunçu rayonu yaşıllaşdırma, ağac tinglərinin köçürülməsi, Kürdəxanı-Pirşağı yol qovşağı, yaşıllıq sahələrinin genişləndirilməsi, ağac əkilməsi layihələri.
(055) 436-46-45
