Bakıda atasının avtomobilini qaçıran yeniyetmə faciəvi şəkildə həyatını itirdi

Agah.az xəbər verir ki, Bakının Suraxanı rayonunda baş verən ağır yol qəzası zamanı 16 yaşlı yeniyetmə dünyasını dəyişib.

Hadisə Zığ şossesində qeydə alınıb. Məlumata görə, 2008-ci il təvəllüdlü İsmayılov Vüsal Aydın oğlu atasına məxsus avtomobili Binə qəsəbəsində qaçırıb. Yeniyetmə avtomobili idarə edərkən Zığ şossesində nəqliyyat vasitəsini işıq dirəyinə çırpıb. Təəssüf ki, qəza nəticəsində Vüsal İsmayılov hadisə yerində həyatını itirib.

Faktla bağlı Suraxanı Rayon Polis İdarəsində araşdırma aparılır.

Açar sözlər: Bakıda qəza, yeniyetmə avtomobil qəzası, Zığ şossesi qəza, yol-nəqliyyat hadisəsi, yeniyetmə ölüm xəbəri.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45