Gəncədə Yol-Nəqliyyat Hadisəsi: Avtomobil yanıb, sürücü ağır xəsarət alıb
Agah.az xəbər verir ki, Gəncə Beynəlxalq Hava Limanı yaxınlığında baş verən ağır yol-nəqliyyat hadisəsi bir nəfərin ciddi xəsarət alması ilə nəticələnib.
Hadisə zamanı yüksək sürətlə hərəkət edən minik avtomobili beton hasara çırpılıb. Güclü zərbə nəticəsində avtomobilin bir neçə ehtiyat hissəsi ətrafa dağılıb və daha sonra avtomobildə yanğın başlayıb.
Fövqəladə Hallar Nazirliyinin yanğınsöndürənləri hadisə yerinə cəlb olunaraq alovu söndürüb. Lakin avtomobil yanaraq tam yararsız hala düşüb.
Qəzada 2005-ci il təvəllüdlü sürücü E.Paşayev ağır xəsarət alaraq xəstəxanaya çatdırılıb. Həkimlər onun vəziyyətinin ağır olduğunu bildirir.
Faktla bağlı araşdırmalar davam etdirilir.
Açar sözlər: yol qəzası, Gəncə, avtomobil qəzası, sürücü xəsarət, beton hasara çırpılma, avtomobil yanğını.
(055) 436-46-45
