Azərbaycana Hindistandan turist axını 2 dəfədən çox artıb
Bu ilin yanvar-oktyabr aylarında Azərbaycana 186 ölkədən 2 milyon 209,6 min nəfər və yaxud ötən ilin eyni dövrü ilə müqayisədə 28,2 % çox əcnəbi və vətəndaşlığı olmayan şəxs gəlib.
Dövlət Turizm Agentliyi xəbər verir ki, gələnlərin 28,5 %-i Rusiya, 16,2 %-i Türkiyə, 9,1 %-i Hindistan, 8,0 %-i İran, 4,1 %-i Gürcüstan, 4 %-i Səudiyyə Ərəbistanı, 3,3 %-i Qazaxıstan, 3 %-i Pakistan, hər birindən 1,7 % olmaqla Çin və Özbəkistan, 1,6 %-i Birləşmiş Ərəb Əmirlikləri, 1,4 %-i Ukrayna, 1,3 %-i Küveyt, hər birindən 1,2 % olmaqla Türkmənistan və İsrail, hər birindən 1 % olmaqla Oman və Belarus, 11,7 %-i digər ölkələrin vətəndaşları olub. Gələnlərin 66,8 %-ini kişilər, 33,2 %-ni qadınlar təşkil edib.
Ötən ilin eyni dövrünə nisbətən Hindistandan gələnlərin sayı 2,3 dəfə, Cənubi Koreyadan – 1,9 dəfə, İspaniyadan – 1,9 dəfə, Çindən – 1,9 dəfə, Filippindən – 1,6 dəfə, Qırğızıstandan – 1,5 dəfə, Qazaxıstandan – 1,5 dəfə, Pakistandan – 1,5 dəfə, Omandan – 49 %, İordaniyadan – 40 %, Polşadan – 35,5 %, İrandan – 33,2 %, İtaliyadan – 32,4 %, Türkmənistandan – 30,2 %, Səudiyyə Ərəbistanından – 27 %, Yəməndən – 26,2 %, Niderlanddan – 21,7 %, Almaniyadan – 21,3 %, ABŞ-dan – 20,7 %, Misirdən – 20 %, Özbəkistandan – 19,5 %, Rusiyadan – 19 %, Ukraynadan – 17 %, Tacikistandan – 16,7 %, Türkiyədən – 15,8 %, Fransadan – 14,6 %, Küveytdən – 12,1 %, Böyük Britaniyadan – 11,4 %, Moldovadan – 10,6 % artıb.
2023-cü ilin yanvar-oktyabr ayları ilə müqayisədə Avropa İttifaqına üzv ölkələrdən gələnlərin sayı 32,8 % artaraq 94 min nəfər, körfəz ölkələrindən gələnlərin sayı 28,3 % artaraq 365,3 min nəfər, MDB ölkələrindən gələnlərin sayı 20,9 % artaraq 837,1 min nəfər olub.
Ölkəmizə gələn əcnəbilər və vətəndaşlığı olmayan şəxslərin 76,1 %-i hava, 22,6 %-i dəmir yolu və avtomobil, 1,3 %-i isə dəniz nəqliyyatından istifadə edib.
(055) 436-46-45
