Gələn il keçmiş hərbi qulluqçuların mənzillə təmin olunması üçün büdcədən 35 milyon manat ayrılacaq

Gələn il dövlət büdcəsindən 20 ildən çox xidmət keçmiş hərbi qulluqçuların mənzillə təmin olunması və digər zəruri xərclərin maliyyə təminatı ilə 35 milyon manat məbləğ nəzərdə tutulub.

Bu barədə 2025-ci ilin dövlət büdcəsi zərfində qeyd olunub.

Bundan başqa sənəddə qeyd edilib ki, gələn il kirayəyə götürülmüş yaşayış sahəsinə görə yaşayış yeri olmayan hərbi qulluqçulara (ehtiyatda və istefada olan hərbi qulluqçular da nəzərə alınmaqla) ödənilən pul kompensasiyası üçün dövlət büdcəsindən 15 milyon manat məbləğ ayrılıb.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45