Bakıda su quyusuna düşən gənc və it xilas edildi - Əməliyyat Çəkilişi

Dostuna göndər xəbərdən agah olsun:

Agah.az xəbər verir ki, Bakı şəhərinin Xəzər rayonunda qeyri-adi xilasetmə əməliyyatı baş tutub. Fövqəladə Hallar Nazirliyindən (FHN) bildirilib ki, “112” qaynar xəttinə Albalılıq qəsəbəsində bir nəfərin su quyusuna düşərək təhlükəli vəziyyətdə qalması barədə məlumat daxil olub.

Hadisə yerinə FHN-in Xüsusi Riskli Xilasetmə Xidmətinin əməkdaşları göndərilib. Araşdırma zamanı məlum olub ki, 2008-ci il təvəllüdlü Vaqif İsmayılov həyətyanı sahədə təxminən 30 metr dərinliyə malik quyuya düşən iti xilas etmək istəyərkən özü də quyuya düşüb.

Xilasedicilər alpinist ləvazimatlarının köməyi ilə həm V. İsmayılovu, həm də iti sağ-salamat quyudan çıxarmağa nail olublar.