Sabunçuda 22 yaşlı gəncin bıçaqlanma hadisəsində şübhəli şəxs saxlanılıb
Agah.az məlumat verir ki, Bakının Sabunçu rayonunun Balaxanı qəsəbəsində 22 yaşlı gəncin bıçaqlanması ilə bağlı şübhəli şəxs tutulub.
Məlumata görə, noyabrın 15-də saat 01 radələrində 2002-ci il təvəllüdlü Şirin İsmayılova kəsici alətlə xəsarət yetirməkdə şübhəli bilinən 1988-ci il təvəllüdlü Elçin Sadıqov polis əməkdaşlarının keçirdikləri əməliyyat tədbirləri nəticəsində saxlanılıb.
Hadisə zamanı Ş. İsmayılov qarın nahiyəsindən kəsilmiş-deşilmiş xəsarət alaraq xəstəxanaya çatdırılıb. Həkimlər onun üzərində cərrahi əməliyyat aparıb, vəziyyəti orta ağır qiymətləndirilir.
Hazırda faktla bağlı Sabunçu Rayon Polis İdarəsində araşdırma davam etdirilir.
Açar sözlər: Sabunçu bıçaqlanma hadisəsi, Balaxanı qəsəbəsi cinayət, gəncin vəziyyəti, Elçin Sadıqov saxlanıldı, Sabunçu Polis araşdırması.
(055) 436-46-45
