Bakıda yol kəsişməsində svetofor rejimi dəyişdirildi, nəqliyyat axını tənzimləndi

Agah.az xəbər verir ki, paytaxtın Yasamal rayonu, Mətbuat prospekti ilə Nazim Hikmət və Əbdürrəhim bəy Haqverdiyev küçələrinin kəsişməsində Nəqliyyatı İntellektual İdarəetmə Mərkəzi (NİİM) tərəfindən svetoforların iş rejimi 2 fazadan 3 fazaya dəyişdirilib. Bu dəyişikliklə yanaşı, Nazim Hikmət küçəsindən Mətbuat prospekti istiqamətində hərəkət edən avtomobillər üçün svetoforun yaşıl işıq müddəti 13 saniyə artırılıb. Əvvəllər həmin istiqamətdə sürücülər müəyyən gözləmələrlə qarşılaşırdılar.

Edilən bu dəyişiklik nəticəsində yolda hərəkət təhlükəsizliyi təmin edilib və nəqliyyat ləngiməsi aradan qaldırılıb.

Açar cümlələr: Bakıda yol kəsişməsi, svetofor rejimi dəyişiklikləri, Yasamalda nəqliyyat axını tənzimlənməsi.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45