Metroda vaqonları rəngləyən xarici vətəndaşların işinə apellyasiya baxışı
Agah.az xəbər verir ki, Bakı metrosunun deposuna qanunsuz daxil olaraq bir neçə vaqonu rəngləyən Fransa vətəndaşı Klerk Teqo Hüqo, Yeni Zelandiya vətəndaşı De-Saint Quentin İsmael və Avstraliya vətəndaşı Han Paulun barəsində verilən hökmə dair apellyasiya şikayəti oktyabrın 14-də Bakı Apellyasiya Məhkəməsində araşdırılacaq. Şikayət hakim İbrahim İbrahimlinin sədrliyi ilə keçiriləcək.
Xatırladaq ki, Nərimanov Rayon Məhkəməsinin qərarı ilə Klerk Teqo Hüqo 3 il azadlıqdan məhrum edilmiş, digər iki şəxs isə 6 min 800 manat cərimə cəzası almışdı. Onların dövlət əmlakına vurduqları ziyan tam ödətdirilib.
Daxili İşlər Nazirliyinin məlumatına görə, hadisə 2024-cü ilin aprel ayında baş verib. Fransa, Yeni Zelandiya və Avstraliya vətəndaşları “Bakı Metropoliteni” QSC-nin deposuna qanunsuz daxil olaraq, dövlət əmlakına qəsdən ziyan vurmaqda ittiham ediliblər. Cinayət işi açılaraq araşdırma aparılıb və məhkəmə qərarı ilə Klerk Teqo Hüqo üç ay müddətinə həbs olunub, digərləri barəsində isə həbslə əlaqədar olmayan qətimkan tədbirləri tətbiq edilib.
Açar cümlələr: Bakı metrosu hadisəsi, xarici vətəndaşların həbsi, metro vaqonlarının rənglənməsi, apellyasiya məhkəməsi, “Bakı Metropoliteni”.
(055) 436-46-45
