Səbail RİH əməkdaşları Şəhid Nicat Şükürlünün ailəsini ziyarət edib
Agah.az xəbər verir ki, Səbail Rayon İcra Hakimiyyəti başçısının aparatının məsul əməkdaşları Orxan Aydınov, Nicat Quliyev, Nigar Bəylərova və Abasağa Dərbəndli Vətən müharibəsi şəhidi Nicat Şükürlünün ailəsini ziyarət ediblər. Görüş zamanı şəhidin keçdiyi döyüş yolu, göstərdiyi şücaət və qəhrəmanlıqlar xatırlanıb. Şəhidin ailəsi, dövlətin şəhid ailələrinə və müharibə iştirakçılarına göstərdiyi diqqət və qayğıya görə Prezident İlham Əliyev və Birinci vitse-prezident Mehriban Əliyevaya təşəkkür ediblər.
Qeyd edək ki, Nicat Şükürlü Vətən müharibəsinin ilk günlərindən döyüşlərə qatılıb və 12 oktyabr 2020-ci ildə Xocavənd istiqamətində şəhid olub. Onun göstərdiyi qəhrəmanlığa görə, Azərbaycan Respublikasının Prezidenti İlham Əliyev tərəfindən ölümündən sonra 3-cü dərəcəli “Vətənə xidmətə görə” ordeni, “Füzulinin azad olunmasına görə”, “Xocavəndin azad olunmasına görə” və “Vətən uğrunda” medalları ilə təltif edilib.
Açar sözlər: Səbail İH, şəhid ziyarəti, Nicat Şükürlü, Vətən müharibəsi, dövlət qayğısı, təltiflər
(055) 436-46-45
