“Xankəndi” Futbol Klubunun yeni baş məşqçisi İbrahim Uzunca olacaq
Agah.az xəbər verir ki, AFFA Region Liqasında çıxış edəcək “Xankəndi” klubunun yeni baş məşqçisi türkiyəli mütəxəssis İbrahim Uzunca olacaq. Bu məlumatı komandanın icraçı direktoru Vasif İsmayılov “Report”a açıqlayıb.
Vasif İsmayılov bildirib ki, “Xankəndi” 2024/2025 mövsümünə ciddi hazırlaşır və İbrahim Uzunca ilə bir çox məsələlərdə razılıq əldə edilib. Yalnız xırda detallar qalıb və bunlar həll edildikdən sonra baş məşqçinin təyinatı rəsmiləşəcək. Uzunca ilə daha əvvəl “Füzuli” komandasında birlikdə çalışdıqlarını vurğulayan İsmayılov, komandanın heyətinə Azərbaycan minifutbol yığmasının oyunçularını və “Qəbələ” akademiyasının yetirməsi olan Kamil Nəzərlini də cəlb etdiklərini qeyd edib. Hədəflərinin mövsümü qalib kimi başa vurmaq və II Liqada çıxış etmək olduğunu vurğulayıb.
Qeyd edək ki, AFFA Region Liqasının 2024/2025 mövsümünün oktyabr ayında başlaması planlaşdırılır.
Açar sözlər: Xankəndi futbol klubu, İbrahim Uzunca baş məşqçi, AFFA Region Liqası, 2024/2025 mövsümü.
(055) 436-46-45
