Terrorçu Araik Arutyunyanın Bakıya gətirilməsindən bir il ötür – kimdir o?
Agah.az xəbər verir ki, 44 günlük müharibədə əli azərbaycanlıların qanına batmış, keçmiş qondarma rejimin “lideri” Araik Arutyunyanın Bakıya gətirilməsindən bir il ötür. O, 2023-cü ildə Azərbaycan Dövlət Təhlükəsizliyi Xidmətinin (DTX) keçirdiyi əməliyyat nəticəsində saxlanılıb.
Araik Vladimiroviç Arutyunyan 1973-cü ildə Xankəndidə anadan olub. O, Birinci Qarabağ müharibəsində aktiv iştirak edib və 1991-ci ildən etibarən separatçıların qanunsuz silahlı dəstələrinə qoşulub. Müxtəlif illərdə qondarma rejimdə yüksək vəzifələrdə çalışıb, 2020-ci ildə isə rejimin “prezidenti” seçilib. 44 günlük müharibə zamanı, Arutyunyanın əmri ilə Gəncəyə raket hücumu həyata keçirilib, bu hücum isə bir çox dinc sakinin həyatına son qoyub.
2023-cü il oktyabrın 3-də Azərbaycan DTX xüsusi əməliyyatla onu Xankəndidə saxlayaraq Bakıya gətirib. Arutyunyanın saxlanılması haqqında erməni jurnalist Tatul Akopyan bildirib ki, o, Xankəndidə bir konyak zavodunda gizlənibmiş. Əməliyyat nəticəsində ələ keçirilən Arutyunyan, sülh və insanlıq əleyhinə, müharibə cinayətləri, terrorçuluq və digər ağır cinayətlərdə ittiham olunaraq həbs edilib.
Açar cümlələr: Araik Arutyunyanın saxlanılması, Qarabağ müharibəsi cinayətkarları, Gəncə raket hücumu, DTX əməliyyatı, terrorçu rəhbər
(055) 436-46-45
