Ucarda zəncirvari yol qəzası baş verib
Agah.az xəbər verir ki, Ucar-Zərdab yolunun Qarabörk kəndindən keçən hissəsində zəncirvari yol qəzası baş verib. Qəza nəticəsində üç avtomobil yararsız hala düşüb.
Hadisə Ucar rayon sakini Fərhad Hüseynovun “Mercedes” markalı avtomobili ilə hərəkətdə olarkən qarşısına çıxan iribuynuzlu heyvanı vurması ilə başlayıb. Ona kömək etmək üçün VAZ-2106 markalı avtomobilini saxlayan Fərman Abuzərovun nəqliyyat vasitəsinə arxadan gələn BMW markalı avtomobil çırpılıb. BMW avtomobilinin sürücüsü Qeys Əmirov zərbənin gücündən idarəetməni itirərək avtomobili aşırıb.
Qəza nəticəsində Sumqayıt sakini, 46 yaşlı Vüqar Quliyev xəsarət alaraq Ucar Rayon Mərkəzi Xəstəxanasına yerləşdirilib. Hazırda faktla bağlı araşdırma aparılır.
Açar cümlələr: Ucar yol qəzası, zəncirvari qəza, iribuynuzlu heyvan vurulması, avtomobil qəzası, Vüqar Quliyev xəsarət.
(055) 436-46-45
