Abşeronda hərbi sursatlar aşkarlanıb
Abşeron rayonu, Qobu qəsəbəsində bir sıra təhlükəli hərbi sursatlar aşkar edilib.
Agah.az xəbər verir ki, Fövqəladə Hallar Nazirliyinin (FHN) “112” qaynar telefon xəttinə daxil olan məlumata əsasən, əraziyə FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu cəlb olunub. Hüquq-mühafizə orqanları ilə birgə görülən təhlükəsizlik tədbirləri nəticəsində aşkarlanmış sursatlar arasında 5 ədəd F-1 əl qumbarası, 5 ədəd UZRQM partladıcısı, müxtəlif çaplı güllələr və 2 odlu silah olduğu müəyyən edilib.
Sursatlar XRXX mütəxəssisləri tərəfindən ərazidən götürülərək kənarlaşdırılıb. Hadisə yerində əlavə təhlükəli və ya şübhəli əşya tapılmayıb.
Açar cümlələr: Abşeronda sursat tapılması, hərbi sursat aşkarlanması, FHN Xüsusi Riskli Xilasetmə Xidməti, təhlükəsizlik tədbirləri.
(055) 436-46-45
