Ani Ödənişlər Sistemi ilə mobil tətbiqdən hesablara mədaxil imkanı yaradılıb
Agah.az xəbər verir ki, “PAŞA Bank” ASC Ani Ödənişlər Sistemi (AÖS) vasitəsilə müştərilərinə mobil tətbiqdən hesablarına mədaxil imkanı yaradıb. Azərbaycan Mərkəzi Bankının məlumatına əsasən, “PAŞA Bank” müştəriləri, digər bankların AÖS-də qeydiyyatdan keçmiş müştərilərinə mobil nömrə və ya şəxsiyyət vəsiqəsinin FİN məlumatı vasitəsilə sürətli köçürmə edə biləcəklər.
Bundan əlavə, AÖS-də qeydiyyatdan keçmiş müştərilər mobil nömrə və ya FİN məlumatı ilə həm “PAŞA Bank”, həm də digər banklardan köçürmələri qəbul edə biləcəklər. AÖS sisteminə daxil olan müştərilər AniPay ID yaradaraq mobil nömrə, FİN, elektron poçt və ya VÖEN kimi identifikatorlar vasitəsilə 24/7/365 rejimində ödənişləri anında həyata keçirə biləcəklər.
Açar Sözlər: Ani Ödənişlər Sistemi, PAŞA Bank, mobil köçürmələr, bank hesabları, AÖS inteqrasiyası.
Açar Cümlələr: PAŞA Bank Ani Ödənişlər Sistemi, mobil tətbiqdən hesaba mədaxil, FİN kodla köçürmə, AÖS ilə ödənişlər.
(055) 436-46-45
