Astarada narkotikin təsiri altında avtomobil idarə edən şəxs həbs edilib

Astara rayonunda narkotikin təsiri altında avtomobil idarə edən rayon sakini həbs edilib.

Rayon ərazisində hərəkətdə olan “Vaz” markalı avtomobilin konstruksiyasına dəyişiklik edildiyi üçün nəqliyyat vasitəsi Rayon Polis Şöbəsinin yol patrul xidmətinin əməkdaşları tərəfindən saxlanılıb.

Daha sonra həmin avtomobili etibarnaməsiz, sürücülük vəsiqəsi olmadan idarə edən, polis əməkdaşlarının qanuni tələblərinə məhəl qoymayan Şəhriyar Zülfüqarlının narkotik vasitədən istifadə etdiyi də müəyyən edilib.

Onun barəsində toplanmış material baxılması üçün baxılması üçün məhkəməyə göndərilib. Məhkəmənin qərarı ilə Ş.Zülfüqarlı 15 gün müddətində inzibati qaydada həbs edilib.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45