Ağdaşda lotereya biletlərini oğurlamaqda şübhəli bilinən şəxs saxlanılıb
Ağdaş rayonunda lotereya biletlərini oğurlamaqda şübhəli bilinən şəxs saxlanılıb.
Bu barədə “Report”a Daxili İşlər Nazirliyindən (DİN) məlumat verilib.
“Ağdaş Rayon Polis Şöbəsinə şəhər ərazisində lotereya biletlərinin satıldığı piştaxtalardan oğurluq edilməsi barədə məlumat daxil olub. Həyata keçirilən tədbirlərlə əməli törədən, əvvəllər də narkotiklərin dövriyyəsi ilə məşğul olduğuna görə məhkum edilmiş Ruslan Hacıyev saxlanılıb. Onun bir neçə piştaxtadan 300-dən artıq lotereya bileti oğurladığı məlum olub”, – məlumatda vurğulanıb.
Faktla bağlı cinayət işi başlanılıb, araşdırmalar davam etdirilir.
Şahid olduğunuz hadisələrin video və ya fotosunu çəkərək bizə göndərin:
(055) 436-46-45
(055) 436-46-45
