Britaniya iki ifrat sağçı İsrail təşkilatına sanksiya tətbiq edib

Böyük Britaniya hökuməti İordan çayının qərb sahilində yaşayan fələstinlilərə qarşı zorakılıq çağırışı etdiyi üçün İsrailin ifrat sağçı “Lehava” və “Noar Haqvaot” təşkilatlarına sanksiya tətbiq edib.

Bu barədə Böyük Britaniya Xarici İşlər Nazirliyinin bəyanatında deyilir.

Məlumata görə, dörd israilli fəal da sanksiyaya məruz qalıb.

Tətbiq olunan sanksiyalar bu təşkilatların hesablarına həbs qoyulmasını, habelə fiziki şəxslərin Britaniyaya girişinə qadağa qoyulmasını nəzərdə tutur.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45