Keniyada son bir ayda daşqın nəticəsində ölənlərin sayı 179 nəfərə çatıb

Keniyada aprel ayında güclü yağışların səbəb olduğu daşqınlar nəticəsində azı 179 nəfər ölüb, daha 90 nəfər itkin düşüb.

Agah. Az TASS-a istinadən xəbər verir ki, bu barədə hökumət nümayəndəsi İsaak Maiqua Mvaura bildirib.

“Dünən daha 10 nəfərin ölümü qeydə alınıb, 20 nəfər itkin düşüb, bununla da ölkə üzrə itkin düşənlərin ümumi sayı 90-a çatıb”, – o, sosial şəbəkədə X yazıb.

Ümumilikdə 185 min keniyalı evlərini tərk edərək təhlükəsiz yerlərə sığınmaq məcburiyyətində qalıb.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45