Yaponiyada güclü zəlzələ: Sunami təhlükəsi elan edildi

Yaponiyanın şimal-şərqində 5,8 bal gücündə zəlzələ qeydə alınıb.

Ölkənin Milli Meteorologiya İdarəsinin məlumatına görə, yeraltı təkanların episentri Fukusima prefekturasında olub.

Zəlzələlərdən əvvəl ümummilli fövqəladə xəbərdarlıq sistemi işə salınıb – yerli sakinlərin mobil cihazlarına yaxınlaşan zəlzələ barədə xəbərdarlıqlar göndərilib. Tektonik zərbədən sonra seysmoloqlar ölkənin şimal-şərq sahilləri üçün sunami təhlükəsi elan ediblər, lakin bir neçə dəqiqə sonra xəbərdarlıq ləğv edilib. Yeraltı təkanlar Tokioda hiss olunub.

Tələfat və dağıntılar barədə məlumat yoxdur. “Fukusima-1” AES-də fövqəladə vəziyyətlə bağlı hər hansı məlumat verilməyib.

Mənbə: TASS

Şahid olduğunuz hadisələrin video və ya fotosunu çəkərək bizə göndərin:
(055) 436-46-45