İmişli sakini dəm qazından zəhərlənib – YENİLƏNİB

İmişli rayonunda yeniyetmə dəm qazından zəhərlənib.

“Report”un məlumatına görə, hadisə rayonun Otuziki kəndində qeydə alınıb.

Kənd sakini, 2007-ci il təvəllüdlü G.Rüstəmova hamam otağında dəm qazından zəhərlənib.

Zəhərlənən şəxs İmişli Rayon Mərkəzi Xəstəxanasına çatdırılıb.

Faktla bağlı araşdırma aparılır.

17:04

Gəncədə iki nəfər dəm qazından zəhərlənib.

APA-nın məlumatına görə, hadisə şəhərin Heydər Əliyev prospektində yerləşən mənzillərin birində qeydə alınıb.

1975-ci il təvəllüdlü Gülmira Yusibova və 1992-ci il təvəllüdlü Ayxan Hümbətov zəhərlənmə diaqnozu ilə xəstəxanaya yerləşdiriliblər.

Dərhal hər iki xəstəyə yardım edilib, vəziyyətlərinin kafi olduğu bildirilir. Məlumata görə, hər iki şəxs yaşadıqları evdə dəm qazından zəhərlənib.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45