Yevlaxda baş verən ağır yol-nəqliyyat hadisəsi ilə bağlı RƏSMİ AÇIQLAMA – YENİLƏNİB + VİDEO
Fövqəladə Hallar Nazirliyinin “112” qaynar telefon xəttinə Yevlax rayonu, Qoyunbinəsi kəndi ərazisində yol-nəqliyyat hadisəsinin baş verməsi və vətəndaşların avtomobildə sıxılı vəziyyətdə qalması barədə məlumat daxil olub.
Məlumatla əlaqədar hadisə yerinə dərhal FHN-in Aran Regional Mərkəzinin xilasediciləri cəlb edilib.
Hadisə yerində əməliyyat şəraiti qiymətləndirilərkən “Mercedes-Benz” markalı iki minik avtomobilinin toqquşması nəticəsində yol-nəqliyyat hadisəsinin baş verdiyi və vətəndaşların avtomobillərdə köməksiz vəziyyətdə qaldığı müəyyən olunub.
Xilasedicilər tərəfindən xüsusi vasitələrin köməyi ilə avtomobillərdə köməksiz vəziyyətdə qalan vətəndaşlar – 1953-cü il təvəllüdlü Rahilə Qoç qızı Məmmədova, 1978-ci il təvəllüdlü Çingiz Aslan oğlu Qənbərov, 1987-ci il təvəllüdlü Nərmin Abbas qızı Səfərova, 1988-ci il təvəllüdlü Qurban Elşad oğlu Rəhimov, 2013-cü il təvəllüdlü Nurgül Qurban qızı Rəhimzadə, 2015-ci il təvəllüdlü Əli Qurban oğlu Rəhimlini xilas edilərək təcili tibbi yardım briqadasına təhvil veriliblər.
Hadisə ilə əlaqədar müvafiq qurumlar tərəfindən təhqiqat aparılır.
20:04
Yevlaxda yol-nəqliyyat hadisəsi olub, ikisi uşaq olmaqla yeddi nəfər xəsarət alıb.
“Report”un məlumatına görə, hadisə rayonun Qoyunbinəsi kəndində qeydə alınıb.
Hadisə zamanı Ağcabədi rayon sakinləri – 1988-ci il təvəllüdlü Qurban Rəhimov, 1987-ci il təvəllüdlü Nərmin Səfərova, 1953-cü il təvəllüdlü Rahilə Məmmədova, 1978-ci il təvəllüdlü Çingiz Qənbərov, 2015-ci il təvəllüdlü Ə.Rəhimli, onun bacısı, 2013-cü il təvəllüdlü N.Rəhimzadə və daha bir nəfər xəsarət alıblar.
Onlar xəstəxanaya çatdırılıblar.
Faktla bağlı araşdırma aparılır.
(055) 436-46-45
