“Hökumət evi”ndə təmir-bərpa işləri aparılacaq

“Hökumət evi”ndə təmir-bərpa işlərinin aparılması planlaşdırılır.

“Report” xəbər verir ki, bununla bağlı İqtisadiyyat Nazirliyi yanında Əmlak Məsələləri Dövlət Xidmətinin tabeliyindəki Korporativ İdarəetmənin Təşkili və Koordinasiya Mərkəzi hazırlıqlara başlayıb.

Təmir-bərpa işləri çərçivəsində 575 kvadratmetr ərazidə daş və beton səthlərdən suvaq çıxarılacaq, 109 kvadratmetr ərazidə taxta arakəsmələr, dam örtüyü söküləcək. Bundan başqa, 69,3 kvadratmetrlik, eləcə də 2,7 kvadratmetrlik hissələrdə 41-60 sm çıxıntılı divar memarlıq detalları bərpa ediləcək və yenidən qurulacaq.

Həmçinin gücü dörd baldan yuxarı olan küləyə qarşı əlavə tədbirlər həyata keçiriləcək.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45