Gürcüstanın baş naziri dəyişir

Gürcüstanın hakim “Gürcü Arzusu – Demokratik Gürcüstan” partiyasının keçirəcəyi son qurultayda mühüm siyasi dəyişiklik baş verəcək.

Bu barədə Gürcüstan mətbuatı xəbər verib.

Belə ki, Gürcüstanın Baş naziri İrakli Qaribaşvili və hakim “Gürcü Arzusu – Demokratik Gürcüstan” Partiyasının sədri İrakli Kobaxidze fevralın 1-də partiyanın qurultayında mövqe mübadiləsi aparacaqlar.

Bununla da “Gürcü Arzusu – Demokratik Gürcüstan” Partiyasının sədri İrakli Kobaxidze Gürcüstanın baş naziri olacaq.

Hazırkı Baş nazir İrakli Qaribaşvili isə “Gürcü Arzusu – Demokratik Gürcüstan” Partiyasının sədri vəzifəsini icra edəcək.

Məlumat üçün əlavə edək ki, İrakli Kobaxidze 2000-ci ildə Tbilisi Dövlət Universitetinin hüquq fakültəsini bitirib. 2002-ci ildə Gürcüstan Elmlər Akademiyasının Dövlət və Hüquq İnstitutunda doktorluq dərəcəsi alıb. 2005 və 2006-cı illərdə Düsseldorf Universitetində hüququn fəlsəfəsi ixtisası üzrə doktor dərəcəsinə layiq görülüb.

Mənbə: Imedi

Şahid olduğunuz hadisələrin video və ya fotosunu çəkərək bizə göndərin:
(055) 436-46-45