İsmayıllıda qəza: Bir ailənin üç üzvü yaralanıb – FOTO

İsmayıllıda avtomobil aşıb, bir ailənin üç üzvü yaralanıb.

“Report”un Yuxarı Şirvan bürosu xəbər verir ki, hadisə rayonun Qurbanəfəndi yolunda qeydə alınıb.

Belə ki, “Hyundai Tucson” markalı avtomobilin sürücüsü Füzuli Alışanov qəfil idarəetməni itirib və idarə etdiyi avtomobil yoldan çıxaraq aşıb. Hadisə zamanı avtomobildə olan rayonun İstisu sakinləri – sürücü 65 yaşlı Füzuli Vəli oğlu Alışanov, sərnişinlər 58 yaşlı Nəcibə Eldar qızı Alışanova və 22 yaşlı Amil Füzuli oğlu Alışanov müxtəlif dərəcəli ağır bədən xəsarətləri alıb.

Yaralılar təcili tibbi yardım maşınları ilə İsmayıllı Rayon Mərkəzi Xəstəxanasına çatdırılıblar, vəziyyətləri ağırdır.

Faktla bağlı araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45