Gəncə Şəhər Stadionunda yanğın olub – YENİLƏNİB + FOTO

Gəncə şəhərində ümumi sahəsi 20 kvadratmetr olan dəmir konteynerin taxtadan ibarət üzlüyü və içərisində olan əşyalar yanıb.

Bu barədə Fövqəladə Hallar Nazirliyi (FHN) məlumat yayıb.

Yaxınlıqda olan digər konteyner yanğından mühafizə olunub. Yanğın yanğından mühafizə bölmələri tərəfindən söndürülüb.

21:28

Gəncə şəhərini təmsil edən “Kəpəz” Peşəkar Futbol Klubunun stadionunda – Gəncə Şəhər Stadionunda yanğın olub.

APA xəbər verir ki, hadisə stadionun tikinti aparılan ərazisində baş verib.

Hadisə yerinə Gəncə Yanağından Mühafizə İdarəsinin yanğınsöndürənləri cəlb olunub.

Alov söndürülüb.

İlkin məlumata görə, hadisə elektrik naqillərində qeydə alınan qısaqapanmadan baş verib.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45