Azad edilən ərazilərə köçürülən sakinlərin tibbi müayinəsi davamlı olaraq aparılacaq
Qarabağ və Şərqi Zəngəzurda digər zəruri həyat sahələri ilə yanaşı, eyni zamanda, tibb xidmətlərinin təşkili sahəsində də intensiv işlər həyata keçirilir. TƏBİB digər səhiyyə qurumları ilə birlikdə bu ərazilərdə tibbi xidmətlərin təminini reallaşdırır. Qeyd edək ki, Şuşa modul tipli xəstəxanası uğurlu formada fəaliyyətini davam etdirir. Eyni zamanda, Laçında, Hadrutda, Ağalıda bizim ailə sağlamliq mərkəzlərimiz fəaliyyət göstərir. Həmin sağlamlıq mərkəzləri peşəkar həkim, tibb personalı, o cümlədən tibbi avadanlıq və cihaz baxımından ən müasir formada təsis olunub.
Bunu TƏBİB-in İctimaiyyətlə əlaqələr və marketinq departamentinin rəhbəri Zamirə Ədilova jurnalistlərə müsahibəsində bildirib.
O deyib ki, hazırda Qarabağda məskunlaşan, o cümlədən quruculuq işləri aparan şəxslərə tibbi xidmət göstərilir: “Azad edilmiş ərazilərə köçürülən əhalinin tibbi müayinələrinin aparılması intensiv olaraq davam etdirilir. Həmin müayinələr onların mövcud xəstəlikləri varsa, erkən müayinə olunması və zəruri yardım göstərilməsinə hədəflənib. İndiyə kimi Ağalıya, Laçına, Füzuliyə köçürülən sakinlərin tibbi müayinəsini təşkil etmişik və bu, davamlı olaraq aparılacaq”.
(055) 436-46-45
