Qaçaqmalçılıq əməliyyatı: Saxlanılanlar arasında gömrük əməkdaşları da var
Agah.az xəbər verir ki, dərman vasitələrinin qaçaqmalçılığı və rüşvət alma yolu ilə himayədarlıq edən şəxslər ifşa olunub. Bu barədə Baş Prokurorluq və Dövlət Gömrük Komitəsinin birgə məlumatında qeyd olunub.
İstintaq zamanı Xaçmaz Gömrük İdarəsinin Əməliyyat və təhqiqat şöbəsinin əməliyyat müvəkkili Hidayət Məmmədov və “Azərterminalkompleks” Birliyinin inspektoru Bayram Məmmədovun vətəndaş Arzu Abdullayevdən rüşvət alaraq dərman vasitələri ilə yüklü avtomobilin gömrük nəzarətindən kənar keçməsinə şərait yaratdıqları müəyyən edilib.
Həmçinin, bu cinayətdə birbaşa iştirak edən şəxslərdən biri – Haysuf Hacıyev də məsuliyyətə cəlb olunub. Onların barəsində müxtəlif cinayət maddələri ilə ittihamlar irəli sürülüb və məhkəmə qərarı ilə Hidayət Məmmədov, Bayram Məmmədov və Arzu Abdullayev barəsində həbs qətimkan tədbiri seçilib. Haysuf Hacıyev isə polis nəzarəti altına verilib.
Hazırda istintaq tədbirləri davam etdirilir.
Açar sözlər: dərman vasitələrinin qaçaqmalçılığı, Xaçmaz Gömrük İdarəsi, rüşvət alma, vəzifəli şəxslərin həbsi, gömrük əməkdaşı tutuldu, prokurorluq və gömrük əməliyyatı, Azərbaycanda qaçaqmalçılıq.
