lham Əliyev və Məsud Pezeşkian Arasında Ramazan Bayramı Münasibətilə Telefon Danışığı Olub
Agah.az xəbər verir ki, Azərbaycan Respublikasının Prezidenti İlham Əliyev ilə İran İslam Respublikasının Prezidenti Məsud Pezeşkian arasında martın 31-də telefon danışığı baş tutub. Prezidentin mətbuat xidmətindən verilən məlumata görə, telefon danışığı zamanı Məsud Pezeşkian İlham Əliyevi və Azərbaycan xalqını müqəddəs Ramazan bayramı münasibətilə təbrik edib və ən xoş arzularını çatdırıb.
Prezident İlham Əliyev, təbrikə görə minnətdarlığını bildirərək, öz növbəsində İran Prezidentini və İran xalqını bayram münasibətilə təbrik edib. Məsud Pezeşkian isə təbriklərə görə Azərbaycan Prezidentinə minnətdarlığını ifadə edib.
Danışıq əsnasında, ölkələr arasında yüksəksəviyyəli qarşılıqlı səfərlərin dinamikasından məmnunluq ifadə olunub, həmçinin hökumətlərarası komissiyanın fəaliyyəti, iqtisadi, ticarət, nəqliyyat, enerji və digər sahələrdə ikitərəfli əməkdaşlığın inkişaf perspektivləri ilə bağlı fikir mübadiləsi aparılıb.
