Aprelin 1-də Bakıda və Abşeron Yarımadasında Hava Şəraiti: Yağmursuz, Lakin Bəzi Rayonlarda Yağıntılar Gözlənilir

Agah.az xəbər verir ki, aprelin 1-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Milli Hidrometeorologiya Xidmətindən “Report”ya verilən məlumata görə, mülayim şimal-qərb küləyi gündüz cənub-şərq küləyi ilə əvəz olunacaq.

Havanın temperaturu gecə 10-15° isti, gündüz isə 20-25° isti olacaq. Atmosfer təzyiqi 758 mm civə sütunundan 764 mm civə sütununa yüksələcək. Nisbi rütubət gecə 60-70 %, gündüz isə 50-55 % olacaq.

Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli az yağıntılar, şimşək çaxması və dolu düşməsi ehtimalı var. Bəzi yerlərdə arabir duman müşahidə oluna bilər. Mülayim qərb küləyi əsəcək.

Havanın temperaturu gecə 7-12° isti, gündüz isə 22-27° isti olacaq. Dağlıq ərazilərdə gecə 3-8° isti, gündüz isə 13-18° isti olacağı gözlənilir.